فلسطين عربية (قصيدة)

الأربعاء - 31 يناير 2024 - 11:39 م بتوقيت عدن

كلمات / ياسر الشيخ

هي فلسطين عربية
ولا مهياش عربية
ولما هي عربية
ليه سيبنا القضية
وليه اسرائيل مبتحترمش القرارات الدولية
ولا هي مش هممها كل الدول العالمية
ولاهي مسنوده سنده قوية
واحنا ليه ساكتين علي المهانه ديه
دي المشكلة كبيره وأساسية
ولا احنا خايفين ومستخبيين في الارضية
ولا احنا خايفين من الأذية
ولا احنا سيبنا القضية
وبقيت فلسطين منسية
وفين الدول العربية
ولا هي عمله مش شايفه ومتغطيه
ولا هي ساكته وملهية
طيب ازاي الشعوب العربية تبقي مرضيه
ولا هو كلام ملهوش هويه
ولو كنا عايزين نحل القضية
لازم تكون في وحده عربية
وفين المنظمات الدولية
الي بتتكلم عن حقوق الناس ديه
ولا هي كلمات وهمية
ولا احنا شاطرين نركب عربية
ونلبس الموديلات العالمية
وفي ناس محيلتهاش جلابية
وفي ناس مداسة تحت الارض ومنسية
بس الشعوب العربية
بتتكلم كلام زي الرزية
بس محدش بيسمع للناس ديه
وبيقولو دول غلابه ومحتاجين مدادية
او دول مجانين ومحتاجين ادوية
بس اسكت أوعي تقول الكلمه ديه
أحسن يخدوك في حته مدارية
وتبقي كلمتك في الأرض مرمية
واحنا يابني مش ناقصين ازيه
بس انا هقول فلسطين عربية
والارض كلها بتاعتها هيه
دي الناس كلها ملهاش غير السيرة الذاتية
لفلسطين العربية
أمال ليه ساكتين كل الفترة ديه
فين كامل وزغلول وعرابي أو حتي صفية
لو كانوا موجدين في الايام دية
ماكنوش سابوا القضية
على فكرة انا مش شاعر
بس عندي مشاعر خاصة بيه
علشان انا ابن الارض المصرية
اللي قلبها هيفضل ينبض بحنيه
لحد متتحل القضية
وفلسطين تبقي دولية
وتعيش زيها زي الدول العادية
وبنقول لكل الدول اللي وقفت جانبية
بالعلاج او حتي بالمساعدات الانسانية
شكرا للوقفة ديه
وفلسطين هتفضل عربية

أهداء/ ياسر الشيخ الي الشعب الفلسطيني
من القاهرة/جمهورية مصر العربية